Программа тууралуу кыскача маалымат:
Конрад Аденауэр атындагы фонддун Sur Place стипендиясынын жардамы менен өз мекенинде таланттуу жаштарга колдоо көрсөтөт, ошону менен жаштарга өздөрүн окууга жана саясий жана коомдук турмушка катышууга мүмкүнчүлүк берет.

Ким катыша алат:
Кыргызстандын жараны болгон, өз өлкөсүнүн ЖОЖдорунда окуган (бакалавриат – экинчи курстан баштап жана магистратура) жана арыз берген учурда жашы 30га чыга элек, ошондой эле өлкөнүн коомдук-саясий турмушуна активдүү катышкан жаштар фонддун стипендиаттары боло алышат.

Сынактык тандоодо артыкчылык социалдык дисциплиналар: саясат таануу, экономика жана финансы, эл аралык мамилелер, башкаруу, юриспруденция, жакынкы тарых, журналистика, философия, дин таануу факультеттеринин студенттерине берилет.
Конрад Аденауэр атындагы фонддун стипендиясы менен техникалык, филологиялык жана медициналык адистиктердин студенттерин камсыз кылуу артыкчылык катары гана мүмкүн.

Кабыл алуу качан болот:
Жыл сайын ноябрдан декабрга чейин. Арызды берүү жөнүндө маалымат сайтта жайгашкан.

Программа тууралуу кыскача маалымат:
Америка Кошмо Штаттарынын Өкмөтү АКШнын Кыргыз Республикасындагы Элчилиги аркылуу жыл сайын АКШнын университеттеринде магистратурада окуу үчүн Фулбрайт стипендиясына ачык сынак өткөрөт.

Стипендиялар сынактык негизде ыйгарылат:
Магистр даражасын алуу менен АКШнын университеттеринде магистратурада окуу үчүн. Бул гранттар боюнча АКШда болуу мөөнөтү магистрдик программанын узактыгына жараша 1 жылдан 2 жылга чейин болот;
Стипендиялар гуманитардык, инженердик жана коомдук илимдер боюнча окууга мүмкүнчүлүк берет. Медициналык тармакта окууга арыздар кабыл алынбайт.

Ким катыша алат:
Документтерди тапшыруу учурунда Кыргызстандын жараны болуп, Кыргызстанда жашап турушу керек; Документтерди тапшыруу учурунда университеттик дипломдун бар болушу зарыл; Окуу же илимий долбоор үчүн зарыл болгон деңгээлде англис тилин билүү. Сынакты ийгиликтүү тапшырган талапкерлер (анкета жана интервью) TOEFL/GRE/GMAT тапшырышы керек.

Артыкчылык мурда АКШда окубаган талапкерлерге гана берилет.
АКШнын территориясында жашаган же АКШда жашап туруу укугу бар талапкерлер сынакка катыша алышпайт.

Кабыл алуу качан болот:
Жыл сайын жаздын башында. Акыркы мөөнөтү: 20-май.

Программа тууралуу кыскача маалымат:
Хамфри стипендияларынын программасы Кыргыз Республикасынын жаш жана орто адистерине адистештирилген 10 айлык программаларга катышуу аркылуу өздөрүнүн кесиптик потенциалын жогорулатуу мүмкүнчүлүгүн берет.
Хамфри стипендиаттарын кабыл алуучу америкалык университетте бир жылдык болуу учурунда алардын кесиптик кызыкчылыктарына дал келген үзгүлтүксүз билим берүү курстарынан өтүүгө чакырылат. Бирок, Хамфри стипендиясы даража алуу программа болбогондуктан, катышуучулар өздөрүнүн убактысынын олуттуу бөлүгүн профессионалдык өнүгүү иш-чараларына, анын ичинде консультацияларды жана АКШнын окутуучулары жана эксперттери менен кызматташууга, экскурсияларга, семинарларга барууга, Кыргыз Республикасында колдонууга боло турган илимий долбоорлорго жана практикалык, пайдалуу стратегияларды иштеп чыгууга жумшашат.

Ким катыша алат:
Арыз тапшыруу учурунда Кыргызстандын жараны болуп, Кыргызстанда жашап турушу керек. Аккредитацияланган университеттин же колледждин бүтүрүүчүсү болуу жана бакалавр даражасына же ага барабар даражага ээ болуу шарт. Беш жылдык олуттуу кесиптик тажрыйбага ээ болуу керек. Англис тилин жакшы билүү зарыл. Программа аяктагандан кийин өз өлкөңүзгө кайтып келүүгө умтулуу шарт.

Кабыл алуу качан болот:
Жыл сайын 15-июнда Бишкек убактысы боюнча саат 15:00дө

Программа тууралуу кыскача маалымат:
Глобалдык Бакалавриат алмашуу программасы (Global UGRAD) жаш лидерлердин ар түрдүү тобуна АКШнын колледжинде же университетинде даражасыз академиялык окуунун бир семестрине стипендия берет. Global UGRAD – бул АКШнын Мамлекеттик департаментинин Билим берүү жана маданият иштери боюнча бюросунун программасы, ал Америка Кошмо Штаттарында окууга башка мүмкүнчүлүктөрү жок, азыраак өкүлчүлүктөн келген катышуучуларды тартууну көздөйт. Ийгиликтүү талапкерлер америка коому, маданияты жана академиялык мекемелери менен терең таанышууга, ошондой эле кесиптик чеберчилигин жогорулатуу мүмкүнчүлүгүнө ээ боло алышат.

Ким катыша алат:
Кыргыз Республикасынын жараны болгон, англис тилин жакшы билген 1,2,3-курстардын студенттери.

Кабыл алуу качан болот:
Жылдын акыркы айында. Акыркы мөөнөтү 6-январь. Катталуу сайтта жүргүзүлөт.

Программа тууралуу кыскача маалымат:
«FLEX» (Future Leaders EXchange) - 1992-жылдан бери КМШда жыл сайын өткөрүлүп келе жаткан жогорку класстын окуучулары үчүн коммерциялык эмес алмашуу программасы.
Программа аркылуу бир окуу жылынын ичинде катышуучу америкалык мектепте билим алып, америкалык кабыл алуучу үй-бүлө менен жашап, коомдун социалдык жашоосуна активдүү катыша алат.
Эл аралык алмашуу программалары ар кандай улуттагы жана дүйнө таанымдагы адамдардын бири-бирин жакшыраак түшүнүүгө жана таанып-билүүгө умтулуусу катары экинчи дүйнөлүк согуш аяктагандан кийин пайда болгон.

Ким катыша алат:
Кыргыз Республикасынын жараны болгон жогорку класстын окуучулары.

Кабыл алуу качан болот:
Жыл сайын сентябрда. Катталуу сайтта жүргүзүлөт.

Программа тууралуу кыскача маалымат:
OneBeat программасынын борбордук элементи болуп АКШда болуу жана турдан турган айлык программалар саналат. АКШда болуу учурунда катышуучулар ар түрдүү жанрларды импровизациялай турган, салттуу күүлөрдү кайра ойлоп таба турган, оригиналдуу чыгармаларды жаратып, OneBeat'тин заманбап мобилдик студиясында жаздырып, спектаклдерге жана билим берүү семинарларына даярдана турган чакан биргелешкен ансамблдерди түзүшөт. Андан соң топтор АКШнын шаарларын кыдырып, АКШда болуу учурунда иштеп чыккан музыкаларды аткарышат, жергиликтүү музыканттар менен концерт беришет жана жергиликтүү жаштар менен чыгармачылык семинарларды өткөрүү үчүн коомдук уюмдар менен өнөктөш болушат. Жыйынтыктоочу концерт жана OneBeat мобилдик студиясында жазылган тректер менен профессионалдуу даярдалган альбом программанын кульминациясы болуп калат.

Ким катыша алат:
Талапкерлер 19 жаштан 35 жашка чейин болушу керек.
Учурда OneBeatтин виртуалдык стипендианттары тиешелүү 50 өлкөнүн (анын ичинде Борбордук Азия өлкөлөрүнүн) биринде жана аймактарда туруктуу жашашы керек. Биз, ошондой эле, АКШда жана чет өлкөлөрдө кеңири глобалдык алмашуу жана иштөө мүмкүнчүлүгүнө ээ болбогон талапкерлерди издеп жатабыз.

Программа тууралуу кыскача маалымат:
United People Global (UPG) - бул адамдарга демилге берген жана дүйнөнү жакшыртууга мүмкүнчүлүк берген коом. Муну ар кандай жолдор менен, өзгөчө Туруктуу өнүктүрүү максаттарына (ТӨМ) жетишүүгө салым кошуу аркылуу жасоого болот. UPG Sustainability Leadership программасы туруктуу өнүгүү тармагында позитивдүү жарандык лидерликти колдоо үчүн адамдарды жана уюмдарды мобилизациялайт. UPG позитивдүү иш-аракеттерди жасоо менен таасир этүүгө умтулган адамдарды бириктирет.
2019-жылы UPG дүйнө жүзү боюнча 30 өлкөдөн 60 туруктуу өнүгүү лидерлерин ийгиликтүү окутту, covid19 эпидемиясынан улам 2020-жылы программаны ишке ашыруу мүмкүн болгон жок, бирок алар 2021-жылы программанын кайтып келишин расмий түрдө жарыялашты. 2022-жылга карата UPG дүйнө жүзү боюнча 500 жаш лидерди окутуп, тастыктайт жана алардын 60ы АКШдагы аралда кошумча бир жумалык тажрыйба үчүн учуп кетишет. Программа Роклендде өткөрүлөт. Бул толугу менен каржыланган программа жана тандалган талапкерлердин бардык чыгымдары төлөнүп берилет.

Ким катыша алат:
Дүйнө жүзү боюнча 18 жаштан 35 жашка чейинки активдүү, англис тилин жакшы билген жаран.

Кабыл алуу качан болот:
Жыл сайын сентябрда жана декабрда. Катталуу сайтта жүргүзүлөт.