"Training of Trainers" - омӯзиши тренерон.
"Ҷавонон ба ҷавонон" маънои онро дорад, ки ин тренинг барои омода кардани ҷавонон (донишҷӯён, фаъолон, волонтёрон ва ғ.) барои тренер ё пешвои ҳамсолони худ ва амалӣ кардани лоиҳа ё барномаҳо дар соҳаи рушди ҷавонон нигаронида шудааст. Ҳамин тариқ, дар доираи лоиҳа ҷавонон дар тренингҳо таълим мегиранд, то дигар ҷавононро омӯзанд.
23-26 августи соли 2022 дар ш.Алмаато тренингҳо барои омӯзиши донишҷӯён ва ҷавонони Қирғизистон, Ӯзбакистон ва Тоҷикистон оид ба технологияҳои пешбурди муколамаи бисёрфарҳангӣ ва байниминтақавӣ дар навоҳии наздисарҳадии водии Фарғона баргузор шуданд.
Дар давоми 4 рӯз коршиносони байналмилалии Лоиҳа ба иштирокчиён донишҳои пешқадамро, аз ҷумла шиносоӣ бо технологияҳои таълимӣ, эҷоди платформаҳои муколамаи кушоду осоишта барои муҳокимаи созандаи масъалаҳои мубрам, ташаккули малакаҳои тағйирпазир дар ҷавонон, аз қабили тафаккури интиқодӣ, муоширати муассир бо мақсади баланд бардоштани мавқеи фаъоли ҳаётӣ ва муносибати бошуурона ба пешгирии хатару таҳдидҳои радикализатсия дар байни ҷавонон, инчунин ташаккули дониш барои худомӯзии ҷавонон дар минтақаҳои худ оид ба асосҳои бунёди сулҳ ва муколамаи байнидинӣ, омӯзониданд.
Дар доираи рӯзи дуюми тренинг иштирокчиён бо усулҳои фундаменталии таълим, ташкили кори гурӯҳҳо шинос шуда, дастурҳои банақшагирии тренингро баррасӣ намуданд.
Дар фарҷоми рӯз иштирокчиён табодули фарҳангӣ доир намуда, бо анъана ва хусусиятҳои миллии ҳамдигар шинос шуданд.
“Мубодилаи фарҳангӣ асоси бунёди муколамаи бисёрфарҳангӣ ва байнидинӣ аст, мо бояд бештар дар бораи он чизе ки халқҳои дӯсти моро муттаҳид мекунад, сӯҳбат кунем” гуфт Аскар, иштирокчии тренинг.
Тренерони ҷавон пас аз омӯзиш мустақилона барои ҷавонони минтақаи худ тренингҳо мегузаронанд ва таҷрибаи худро дар модели “Ҷавонон ба ҷавонон” мубодила мекунанд ва ба ин васила ба рушди платформаҳои муколамаи байни миллатҳо ва баланд бардоштани иқтидори ҷавонони водии Фарғона мусоидат мекунанд.
