Дискуссиялык программалар – бул жаштарды чечим кабыл алуу процессине тартууга, критикалык көндүмдөрдү өнүктүрүүгө салым кошууга, терс стереотиптерге, бейкалыс пикирлерге, конфликттик потенциалга жана ксенофобияга каршы туруу потенциалын жогорулатууга багытталган дискуссия отурумдарынын циклинен турган формалдуу эмес билим берүү мейкиндиги. Дискуссиялык программалар берилген тематикалык чөйрөдөгү көйгөйлүү маселелерди талкуулоонун оригиналдуу форматтарынын бири болуп саналат.
Долбоордун алкагында дискуссиялык программаларды түзүү жана өнүктүрүү төмөнкүлөргө өбөлгө түзөт:
Дискуссия – бул спикер/эксперт менен угуучунун ар түрдүү мүнөздөгү кырдаалды/маанилерди/шарттарды/көйгөйлөрдү бирдей талкуулоосу. Бул адамдар бир эле жооп жок болгон маселелерге туш болгондо пайда болот.
Анын жүрүшүндө адамдар маселеге карата бардык тараптарды көбүрөөк канааттандырган жаңы жоопту аныкташат. Анын жыйынтыгы катары жалпы макулдашуу, жакшыраак түшүнүү, көйгөйгө жаңыча көз караш, биргелешкен чечим болушу мүмкүн.
Талкууну үзгүлтүксүз колдонуунун маанилүүлүгүн азыркы учурда эч ким талашпайт. Билимди бекем өздөштүрүү жана аларды практикалык ишмердүүлүктө колдонуу мүмкүнчүлүгүн түшүнүү үчүн материалды окуп, үйрөнүү гана эмес, аны башка адам менен талкуулоо зарыл.
