Ҳамин тариқ, мутобиқи афзалиятҳои байналмилалӣ ва миллӣ, ин омӯзиши коршиносон ба ҳамгироии воситаҳо, аз ҷумла Роҳнамо оид ба гузаронидани омӯзиши «Идоракунии гуногунрангӣ, пешгирии низоъҳо дар ҷомеаҳои маҳаллӣ дар Осиёи Марказӣ» ба фаъолияти намояндагони мақомоти маҳаллӣ ва ҷамъиятҳои маҳаллии Ҷумҳуриҳои Қиргизистон, Тоҷикистон ва Ӯзбекистон нигаронида шудааст.
Ҳадафи тренинг ин баланд бардоштани иқтидор ва рушди малакаҳои идоракунӣ ва пешгирии низоъҳо дар ҷамоатҳои маҳаллӣ мебошад. Дар давоми се рӯзи омӯзиш машғулиятҳои назариявӣ ва амалӣ ба нақша гирифта шудаанд, ки ба шиносоӣ ва рушди салоҳиятҳо дар самтҳои мавзӯӣ, аз қабили:
ташаккули стереотипҳо ва тасаввурот;
табъиз хамчун манбаи низоъ;
қонунгузории миллӣ ва механизмҳои байналмилалии танзими гуногунии фарҳангӣ;
шиносоӣ бо муқаррароти Конститутсия ва қонунҳои Ҷумҳуриҳои Қирғизистон, Тоҷикистон ва Ӯзбакистон;
идоракунии муноқишаҳо ва нақши мақомоти маҳаллӣ дар пешгирии низоъҳо;
ва ғайра.

Иштирокчиёни давраи омӯзишӣ имкони табодули таҷриба ва донишро пайдо карда, дар натиҷаи омӯзиш барои ҳамкориҳои ояндаи намояндагони минтақаҳои наздисарҳадии Ҷумҳуриҳои Қирғизистон, Тоҷикистон ва Ӯзбакистон шабакаи робитаҳои касбӣ ба вуҷуд меоранд.
Ин омӯзиш барои кишварҳои Осиёи Марказӣ аҳамияти бузург дорад, зеро он ба афзоиши таҳаммулпазирӣ ва сулҳ дар минтақа мусоидат мекунад.
Чорабинӣ ба таиқи онлайн ва офлайн баргузор мешавад.
Созмондиҳандагони барномаи «Омӯзиш барои коршиносон» рӯзноманигорон ва намояндагони ВАО-ро даъват мекунанд.
____

Омӯзиш дар доираи лоиҳаи «Муколамаи бисёрҷонибаи фаромарзӣ барои таҳаммулпазирӣ ва ҳамдигарфаҳмӣ дар Осиёи Миёна», бо маблаӯгузории Иттиҳоди Аврупо, аз ҷониби консорсиум таҳти роҳбарии Бунёди Конрад Аденауэр дар якҷоягӣ бо се шарики миллӣ: Ҳаракати экологии «БИОМ» (Қирғизистон), Ҳаракати умумимиллии «Юксалиш» (Ӯзбекистон) ва Ташкилоти ҷамъиятии «Гендер ва тараққиёт» (Тоҷикистон) ташкил карда шудааст.